-
Ұлттық даму контексіндегі педагогикалық мәдениет. 1 бөлім
Жинақ конференцияға қатысушылардың ұлттық даму контексіндегі педагогикалық мәдениетке қатысты ғылыми мақалалары, баяндамалары, сөйлеген сөздері, шығармашылық жұмыстары мен іс тәжірибелерін қамтиды.
-
Инклюзивті білім беруді психологиялық-педагогикалық сүйемелдеу
Әдістемелік ұсынымдарда инклюзивті білім берудің теориялық- әдіснамалық негіздері, нормативтік-құқықтық аспектілері, мектепте инклюзивті ортаны қалыптастыру, инклюзивтік мәдениетті дамыту, білім алушылардың жеке ерекшеліктерін ескере отырып психологиялық қолдау көрсету жолдары қамтылған. Сондай-ақ, ата-аналармен серіктестік орнату және оларды инклюзивті білім беру процесіне тарту бағыттары ұсынылған.
-
PISA тапсырмалары арқылы оқушылардың мәтіндермен жұмыс жасау дағдыларын қалыптастыру
Әдістемелік нұсқаулықта PISA халықаралық зерттеуінің оқу сауаттылығы бағытына сәйкес әзірленген тапсырмалар топтастырылған. Материалдар PISA форматындағы тест үлгілеріне негізделіп құрастырылып, оқушылардың мәтінмен жұмыс жасау дағдыларын дамытуға бағытталған.
Нұсқаулық білім беру ұйымдарының қазақ тілі мен әдебиеті пәні мұғалімдеріне арналған.
-
Білім беру сапасын бағалау: халықаралық салыстырмалы зерттеулер мектеп тәжірибесінде
Жинаққа «Білім беру сапасын бағалау: халықаралық салыстырмалы зерттеулер мектеп тәжірибесінде» республикалық конференциясына қатысушылардың баяндамалары, сөйлеген сөздері мен білім алушылардың функционалдық ғылыми-жаратылыстану, математикалық және оқу сауаттылығын дамыту бағыттары бойынша мақалалары енген.
-
Көркем жазу
Бағдарлама оқушылардың жазу дағдыларын дамыту, көркем жазу мәдениетін қалыптастыру, шығармашылық ойлауын ынталандыру және жазбаша сауаттылығын арттыруды көздейді. Бағдарламада каллиграфиялық дағдыларға үлкен көңіл бөлінген. Оқушыларды тек сауатты жазуға ғана емес, сонымен қатар әдемі, көркем жазуға үйрету мақсатында түрлі жаттығулар мен арнайы каллиграфиялық тапсырмалар ұсынылған.
-
Үш өлшемді кеңістіктегі геометрия: стереометрияның негізгі мәселелері
Авторлық бағдарлама стереометрияның негізгі мәселелерін оқушыларға түсіндіру мен оларды практикалық тұрғыда қолдануға арналған. Бағдарлама стереометрияны тек мектептегі/колледждегі оқыту процесі ретінде ғана емес, сонымен бірге оны нақты өмірде қолдану арқылы оқушылардың білімін тереңдетуге бағытталған. Оқушылар кеңістіктегі геометриялық фигураларды түсініп, оларды шешуде қажетті дағдыларды игереді, бұл олардың математикаға қызығушылығын арттырып, логикалық ойлау қабілетін дамытуға ықпал етеді.
