-
Химия және экология
Қолданбалы курс бағдарламасы жалпы орта білім беретін мектептердің химия пәні мұғалімдеріне бағдарлы сыныптарға көмекші құрал ретінде ұсынылды. Бағдарламаның мақсаты: оқушылардың қоршаған ортаның ластану мәселерін шешуде белсендіктерін арттыру. Экологиялық мәселелерді шешуде химия пәнінің қосар үлесі мол, сондықтан курсқа «Маңызды s-, p-, d- элементтер және олардың қосылыстарының биосферадағы маңызы», «Оттегі», «Су. Ерітінділер», «Қоршаған ортаны қорғау» тараулары бойынша бейорганикалық және органикалық химиядан экологиялық бағыттағы есептер енгізілді. Есептер негізінен жалпы білім беретін мектептің білімдері В, С деңгейдегі оқушыларына арналған.
-
Химиялық өзгеріс құпиялары
Аталған курс 36 сағатқа есептелген. Ол оқушылардың білімдерін кеңейтуге, қызығушылығын, ізденімпаздығын, интеллектуалдық белсенділігін, танымдық белсенділігін арттыруға бағытталған. Химияны білу – бұл сабақтар мен оқулықтарда баяндалатын фактілер мен теорияларды білу ғана емес, оқулықта берілген ақпараттарға сүйене отырып, қоршаған өмірдегі заттармен болатын химиялық құбылыстарды түсіндіре білу, айтылғандарды жеке жүзеге асыруға ұмтылу. Сондықтан бұл курс оқушылардың табиғат сырларын өз бетінше ашуға талпынуға жҽне пәнге деген қызығушылығын оятуға мүмкіндік береді.
-
Қазақ тілі бойынша сөз таптарына арналған грамматикалық тапсырмалар
Грамматиканы оқытуда жаттығу жұмысының мәні зор. Оқушылар грамматикалық материалды оқулық пен бағдарламаға сай білгендерімен (терминдерді меңгереді, анықтамаларды жаттайды) жаттығу жұмыстары жүргізілмесе, ол ұзаққа бармайды, ұмытылып қалады. Осы орайда, жаттығу арқылы балалардың алған білімдерін нығайтып, бекіту үшін сөз таптары бойынша жаттығулар мен жеке тапсырмалар берілген.
-
Органикалық химия қосылыстары арасындағы генетикалық байланыс
Әдістемелік құралда органикалық химия қосылыстары арасындағы генетикалық байланыс туралы, органикалық реакциялардың түрлері, қаныққан және қанықпаған көмірсутектердің химиялық қасиеттері, ароматты көмірсутектердің химиялық қасиеттері, бензол, оттекті органикалық қосылыстар, қаныққан біратомды спирттердің химиялық қасиеттері, фенолдың химиялық реакциясы, альдегидтер мен кетондардың, күрделі эфирлердің, аминдердің, көмірсулардың химиялық қасиеттері және сызбанұсқа бойынша өзгерістерді жүзеге асыру туралы материалдар берілген.
-
Химиялық реакциялар
Бағдарлама элективті курс шеңберінде білім алушылардың химияның жеке тақырыптарын тереңдетіп оқуына бағытталған. Бұл бағдарлама оқушылардың химиялық реакциялар туралы білімдерін жүйелейді, тереңдетеді және бекітеді.
-
Химияны оқытудағы технологиялар
Әдістемелік кұралда қазіргі білім беруде кеңінен қолданылатын технологияларды: ақпараттық технологиялар, проблемалық оқыту, модульдік оқыту, жобалап оқыту, оқытудың интербелсенді тәсілдері, қашықтықтан оқыту, «Оқу және жазу арқылы сын тұрғысынан ойлау технологиясы» RWCT стратегиялары химия пәнінде қолдану жолдары қарастырылған.
-
Тапсырмалар мен жаттығулар химияда = Tasks and exercises in chemistry
Химия пәні бойынша ағылшын тіліндегі факультатив курсы қазақ тілінде білім алатын 8-сыныптарға арналған. Факультатив бағдарламасы 8-сыныптың химия курсы бағдарламасымен сәйкестендіріп құрылған. Ұсынылып отырған факультатив бағдарламасы негізінде ұйымдастырылған сабақтар үш тілді білім беруге көшу жағдайында оқушыларға химия пәні бойынша базалық деңгейдегі білімді ағылшын тілінде меңгертуге мүмкіндік береді.
-
STEAM – әлемдік білім беру трендін тиімді пайдалану
Авторлық бағдарлама химия сабағында пәнаралық байланысты дамыта отырып, STEAM- технологияларын оқу процесінде қолдану арқылы білім алушылардың «Химия» пәніне қызығушылығын арттыруды көздейді. STEAM- технологияларды химия пәнінде белгілі бір құбылыстар мен тұжырымдамаларды әртүрлі фокустардан зерделеуде қолдану қарастырылған.
-
Химия есептеулері мен жаттығулары
Авторлық бағдарламада жалпы химиядан кездесетін есептердің түрлері және шығару жолдары келтірілген. Есеп шығарудың алгоритмдері, әртүрлі нұсқалары беріліп, әр есеп түрлері бойынша жаттығу сұрақтары мен есептер енгізілген. Авторлық бағдарлама орта мектептің жоғары сыныптарына арналған.