-
PISA тапсырмалары арқылы оқушылардың мәтіндермен жұмыс жасау дағдыларын қалыптастыру
Әдістемелік нұсқаулықта PISA халықаралық зерттеуінің оқу сауаттылығы бағытына сәйкес әзірленген тапсырмалар топтастырылған. Материалдар PISA форматындағы тест үлгілеріне негізделіп құрастырылып, оқушылардың мәтінмен жұмыс жасау дағдыларын дамытуға бағытталған.
Нұсқаулық білім беру ұйымдарының қазақ тілі мен әдебиеті пәні мұғалімдеріне арналған.
-
ОҚУШЫЛАРДЫҢ ОҚУ САУАТТЫЛЫҒЫН АРТТЫРУДА МӘТІНМЕН ЖҰМЫС ЖАСАУДЫҢ МЕТОДОЛОГИЯСЫ (5-9-сыныптарға арналған көмекші құрал)
Бұл көмекші оқу құралында оқушылардың жас ерекшеліктеріне сай әр түрлі тақырыпта мәтіндер мен тапсырмалар берілген. Тапсырмалар оқушыларды оқылым мәтіндерінің мазмұнын терең түсінуге, есте сақтау, ойлау формаларын қалыптастыруға, оқылым дағдысын жетілдіруге, өз тұжырымын жасай білуге бағыттайды. Көмекші оқу құралы оқушылардың оқу сауаттылығын арттыруға, мәтінмен жұмыс жасаудың методологиясын терең меңгеруге және оқылым дағдысын дамытуға көмегін тигізеді. Көмекші оқу құралы мектептердің қазақ тілі мен әдебиеті пәні мұғалімдеріне және 5-9-сынып оқушыларына ұсынылады.
-
Тарихи география
Бұл курс тарих пен география ғылымдарының тоғысында орналасқан пәнаралық сипатқа ие. Оқу бағдарламасы Қазақстанның және әлемнің тарихи-географиялық ерекшеліктерін кешенді қарастыруға бағытталған. Оқушылар тарихи оқиғаларды кеңістіктік тұрғыдан зерттей отырып, картографиялық материалдармен жұмыс істеу, тарихи құжаттар мен дереккөздерді талдау дағдыларын меңгереді. Сонымен қатар, курс оқушылардың сыни ойлау қабілетін дамытып, тарихи процестердің географиялық факторларға тәуелділігін түсінуге көмектеседі.
-
Қазақ тілі: тереңдетілген оқу
Бағдарлама оқушылардың тілдік дағдыларын жетілдіру, сөздік қорын байыту, грамматикалық білімдерін тереңдету және шығармашылық қабілеттері мен сыни ойлау дағдыларын дамытуды көздейді. Бағдарлама мазмұны оқушылардың жас ерекшеліктеріне және оқу стандарттарына сәйкес, оқу барысында әдеби, публицистикалық және ақпараттық мәтіндермен жұмыс істеу, дебаттар мен пікірталастар ұйымдастыру, шығармашылық жұмыстар жазу, сондай-ақ сөйлеу мәдениетін жетілдіру жоспарланған.
-
Табиғат зоналары мен өсімдіктер дүниесі
Авторлық бағдарлама 8-сынып оқушыларына арналған және табиғат зоналары мен өсімдіктер дүниесін тереңірек оқытуға бағытталған. Бағдарлама оқушылардың табиғаттағы географиялық заңдылықтарды түсінуін, өсімдік жамылғысының алуан түрлілігін тануын және экологиялық сауаттылығын арттыруды мақсат етеді.
Оқу материалы табиғат зоналарының ерекшеліктерін, климаттық факторлар мен өсімдік түрлерінің таралу заңдылықтарын қамтиды. Бағдарлама оқушылардың зерттеушілік қабілетін дамытуға, қоршаған ортаға жауапкершілікпен қарауға және экологиялық мәдениетін қалыптастыруға бағытталған.
-
Экологиялық химия
Әдістемелік құрал экологиялық химияның негізгі аспектілерін қамтиды, оның ішінде қоршаған ортаның ластану себептері мен салдары, химиялық қалдықтарды қайта өңдеу әдістері және жасыл химия қағидалары қарастырылады. Әдістемелік құрал экологиялық тұрақты өндіріс пен табиғатты қорғау шараларын ғылыми негізде түсіндіруге бағытталған. Сонымен қатар, қалдықсыз технологиялар, экологиялық таза материалдар және баламалы энергия көздері туралы маңызды мәліметтер беріледі.
-
«Ерітінділер және ерігіштік» Блум таксономиясы негізінде. 8-сынып.
Авторлық бағдарлама Блум таксономиясы негізінде әзірленген және оқушылардың химиялық білімдерін, біліктері мен дағдыларын кезең-кезеңімен қалыптастыруға бағытталған. Бағдарлама ерітінділер мен олардың қасиеттеріне қатысты ұғымдарды түсіну, қолдану және талдау арқылы танымдық белсенділік пен сыни ойлауды дамытуға мүмкіндік береді.
Бағдарламада тәжірибелік және зерттеу тапсырмаларына ерекше назар аударылған. Бұл тапсырмалар оқушылардың эксперимент жүргізу, заттардың ерігіштігін анықтау, еріту процесіне әсер ететін факторларды талдау және бақылау нәтижесінде қорытынды жасау дағдыларын қалыптастырады. Бағдарлама оқушылардың ғылыми дүниетанымын, экологиялық санасын және химия пәніне деген қызығушылығын арттыруға бағытталған.
-
Improving reading comprehension among students at different learning l
Бұл авторлық бағдарлама ағылшын тілін оқып-үйрену кезінде әртүрлі тілдік деңгейдегі оқушылардың оқу дағдыларын дамыту жолдарын қарастырады. Оқу дағдысы ағылшын тілін үйренудегі төрт негізгі дағдының бірі болып табылады. Оқу дағдысын жетілдіру оқушылардың мәтінді түсініп қана қоймай, оны талдауға, автордың ойын сыни тұрғыдан қабылдауға, өз ойын академиялық тілде еркін жеткізуге көмектеседі, сөздік қорын байытады, оқу дағдысы арқылы тіл байлығын дамытады. Авторлық бағдарлама оқу дағдысын дамытуда туындайтын кедергілер мен қиындықтарды, оларды жеңу жолдарын анықтайды және белсенді стратегияларға назар аударады.
-
The cognitive and linguistic development of writing: from early literacy to advanced composition
Авторлық бағдарлама ағылшын тілін үйренуде түрлі тілдік деңгейдегі үйренушілер арасында жазылым дағдысын дамыту жолдарын қарастырады. Негізгі мақсат – оқушылардың ойды жазбаша жеткізу, тілдік құралдарды дұрыс пайдалану және шығармашылық қабілеттерін дамыту. Бағдарлама когнитивтік, лингвистикалық және әдістемелік негіздерге сүйенеді. Авторлық бағдарлама жазылым дағдысын бастауыш сыныптан жоғарғы сыныпқа дейінгі деңгейлеп дамыту жолдарын көрсетеді.